एटीएम शेती - एटीएम शेती मॉडेलद्वारे नियमित आर्थिक उत्पन्न

आज आपण एटीएम शेती विषयी माहिती घेणार आहोत. आपण याच्या अगोदर बराच वेळा एटीएम चा उपयोग बँक खात्यातून पैसे काढण्यासाठी केला असेल पण आज आपण आंध्र प्रदेश मधील काही शेतकऱ्याकडून करण्यात येणाऱ्या एटीएम शेती विषयी म्हणजेच लागेल तेव्हा पैसे देणारी शेती कशी करता येईल. याविषयी सविस्तर माहिती घेणार आहोत.

Read Here - शेतकऱ्यांसाठी केंद्र सरकारच्या महत्त्वाच्या आर्थिक योजना 

Rythu Sadhikara Samstha (RySS) द्वारे प्रचारित केलेल्या Any Time Money (ATM)  उपक्रम आहे. 

RySS अधिकार्‍यांनी त्यांना एटीएम मॉडेलवर जाण्याचे आणि एकाच पिकावर अवलंबून न राहता त्यांच्या शेतात अनेक प्रकारच्या भाज्यांची लागवड करण्यास सांगितले.  तेव्हा मडकासिरा मंडलातील मल्लापुरम गावातील शेतकरी  श्री एच. नारायणप्पा यांना खात्री पटली. त्यांनी आपल्या 45 टक्के जमिनीत पालेभाज्या, मुळा, गाजर आणि बीटरूटची लागवड केली आणि लागवडीनंतर 25 दिवसात पालेभाज्यांच्या पहिल्या पिकापासून उत्पन्न मिळवले.

ते सांगतात ,

“मी पहिल्या कटिंगमध्ये ₹10,000 आणि कोथिंबीर, हिरवी मिरची इत्यादीसारख्या दुसऱ्या पालेभाज्या मध्ये ₹10,500 कमावले,” श्री नारायणप्पा सांगतात. दुस-या महिन्यात, मुळ्याची काढणी केली गेली आणि त्यातून सुमारे ₹7,000 उत्पन्न झाले. त्याचप्रमाणे गाजराच्या दोन पिके होती. गाजराचे उत्पन्न अनुक्रमे ₹12,500 आणि ₹18,000 होते. त्यानंतरच्या महिन्यांत, बीटरूटचे उत्पन्न ₹12,000 आणि ₹9,000 होते. "एक प्रकारे, मला दर महिन्याला उत्पन्न मिळत आहे, जे मी एकाच पिकावर अवलंबून असायचे तेव्हा असे नव्हते,"

आता गावातील इतर शेतकऱ्यांना ते आकर्षित करत आहे. एटीएम  मॉडेलच्या लागवडीखाली शेतकरी उशिरापर्यंत आणि नियमित उत्पन्न घेऊ शकतो. आणि त्यातून त्याला नियमित आर्थिक उत्पन्न भेटू शकते. 

आता आपण पाहूया एटीएम  मॉडेल शेती म्हणजे काय ?

या प्रकारच्या शेतीमध्ये शेतकऱ्याने एकाच पिकावर अवलंबून न राहता त्याच्या शेतात विविध प्रकारच्या भाजीपाल्याची लागवड करतात, आणि विविध प्रकारच्या भाजीपाला असल्यामुळे लागवडीनंतर 25 ते 30 दिवसाच्या आत शेतकऱ्याला वेगवेगळ्या पिकापासून उत्पन्न मिळण्यास सुरुवात होते. काही शेतकरी आपल्या शेतीमध्ये कोथिंबीर, हिरवी मिरची, गाजर, बीट रूट, पालक व इतर पिकाची लागवड करतात.

विविध प्रकारची भाजीपाला केल्यामुळे भाजीपाल्याला चांगला बाजार भाव पण मिळतो आणि एकाच पिकावर शेतकरी अवलंबून राहिल्यामुळे शेतीतून होणारे नुकसान ही कमी होते अशा पद्धतीचा वापर बऱ्याच  शेतकऱ्यांनी केला आहे.

सामान्यपणे शेतकरी आपल्या शेतात एकच पीक घेतो मग कधी कधी आपण घेतलेल्या पिकास योग्य बाजार भाव न मिळाल्यास तो माल कवडी भावाने व्यापाऱ्यास देण्यात शेतकरी भाग पडतो. आणि आर्थिक ताण सहन करावा लागतो. 

एटीएम शेतीत विविध पिके असल्यामुळे उदाहरणार्थ कांद्याचा भाव कमी झाल्यास दुसरं पीक आपणास योग्य मोबदला मिळवून देते व कांद्यामध्ये होणारे नुकसान आपण दुसऱ्या पिकांमध्ये काढू शकतो.

RySS अधिकारी आणि प्रशिक्षक म्हणतात की ते शेतकऱ्यांना एकाच वेळी 15 ते 18 प्रकारच्या भाज्यांची लागवड करण्यास प्रोत्साहित करत आहेत. जर शेतकऱ्याने एकाच वेळी मुळा, बीटरूट आणि गाजर पेरले तर त्याला दर महिन्याला उत्पन्न मिळेल. मुळा एका महिन्याच्या आत काढता येतो, तर बीटरूट दुसऱ्या महिन्यात कापणीसाठी आणि गाजर तिसऱ्या महिन्यात, ते स्पष्ट करतात.

“भाजीपाला  पीक नियमित उत्पन्नाची खात्री देते. शेतकरी पहिले पीक घेतल्यानंतर लगेच चौथे पीक पेरू शकतात आणि प्रत्येक पीक नंतर दुसरे पीक घेतले जाते,” अनंतपूर जिल्ह्यात कार्यरत असलेल्या RySS च्या अमीना म्हणतात.

ह्या लेखाच्या माध्यमातून आम्हाला शेतकऱ्यांना हे सांगायचं आहे की शेती करत असताना आर्थिक विचार करावा बाजारपेठेचा अभ्यास करावा आणि कशाप्रकारे शेती केल्यास आपल्या अधिक मोबदला मिळेल याचाही अभ्यास करावा एटीएम शेती किंवा अन्य प्रकारच्या शेतीच्या अभ्यास केल्यास आणि ते तंत्रज्ञान आत्मसात केल्यास आपणास शेतीमधून भरपूर असे उत्पन्न मिळू शकते.

माहिती शेवटपर्यंत वाचल्याबद्दल आपले हार्दिक आभार आमचा हा छोटासा प्रयत्न आहे की शेतकरी विविध प्रयोगातून आपल्याला अधिक सुखी समृद्ध कसा करेल आणि खरंच बळीराजा राजा होईल.