KISSAN CREDIT CARD: आत्ता कर्जमर्यादा ५ लाखांपर्यंत वाढली, ४% व्याजदराने वित्तपुरवठा, कोणती कागदपत्रं आवश्यक?

KISSAN CREDIT CARD: आत्ता कर्जमर्यादा ५ लाखांपर्यंत वाढली, ४% व्याजदराने वित्तपुरवठा, कोणती कागदपत्रं आवश्यक?

WhatsApp Group Join Now

Join Instagram Join Now

Telegram Group Join Now

शेतकऱ्यांसाठी मोठी दिलासादायक बातमी! केंद्र सरकारने किसान क्रेडिट कार्ड (KCC) अंतर्गत मिळणाऱ्या कर्जमर्यादेत वाढ करण्याचा निर्णय घेतला आहे. याअंतर्गत कर्जमर्यादा ३ लाख रुपयांवरून ५ लाख रुपयांपर्यंत वाढवण्यात आली आहे. तसेच, कर्जाचे परतफेड नियमानुसार केल्यास ४% व्याजदराने कर्जाचा लाभ घेता येणार आहे.

केंद्र सरकारचा मोठा निर्णय

केंद्रीय अर्थमंत्री निर्मला सीतारामन यांनी २०२५ च्या अर्थसंकल्पीय भाषणात किसान क्रेडिट कार्डवरील कर्जमर्यादा वाढवण्याची घोषणा केली. यामुळे देशभरातील कोट्यवधी शेतकऱ्यांना मोठा दिलासा मिळणार आहे. सरकारच्या या निर्णयामुळे शेतीसाठी आवश्यक भांडवलाची तरतूद सुलभ होणार असून, शेतकऱ्यांना कमी व्याजदराने भांडवल उभारता येणार आहे.

किसान क्रेडिट कार्डची सुरुवात आणि उद्दिष्टे

१९९८ मध्ये नाबार्डच्या मार्गदर्शनाखाली आर. व्ही. गुप्ता समितीच्या शिफारशींवरून किसान क्रेडिट कार्ड योजना सुरू करण्यात आली. या योजनेद्वारे शेतकऱ्यांना शेतीसाठी कमी व्याजदरात वित्तपुरवठा केला जातो.

कशासाठी देता येते कर्ज?

• शेतीसाठी अल्पकालीन खर्च भागवण्यासाठी
• पिक काढणीनंतरचा खर्च भागवण्यासाठी
• शेतीमाल साठवणूक व विक्रीसाठी भांडवलासाठी

किसान क्रेडिट कार्ड कोण मिळवू शकतं?

• शेतकरी
• भाडेतत्त्वावर शेती करणारे शेतकरी
• शेतकऱ्यांच्या गटांना (Farmers’ Groups)

किसान क्रेडिट कार्डसाठी आवश्यक कागदपत्रे:

• आधार कार्ड / ओळखपत्र
• ७/१२ आणि ८ अ उतारा
• मतदार ओळखपत्र
• पॅन कार्ड
• वाहन परवाना (असल्यास)
• प्रधानमंत्री जीवन ज्योती विमा योजना आणि प्रधानमंत्री सुरक्षा विमा योजनेचे सभासदत्व आवश्यक

व्याजदर आणि परतफेडीच्या अटी:

• १ लाखांपर्यंत कर्ज बिनव्याजी उपलब्ध
• १.६० लाखांपर्यंतच्या कर्जासाठी तारण गरजेचे नाही
• ३ लाख ते ५ लाख रुपयांपर्यंतच्या कर्जासाठी तारण आवश्यक
• कर्ज ७% व्याजदराने मिळेल, पण वर्षभरात परतफेड केल्यास ३% सूट मिळून ४% व्याजदराने फायदेशीर कर्जाचा लाभ घेता येईल

किसान क्रेडिट कार्ड चे फायदे:

✔ अल्प व्याजदराने कर्ज उपलब्ध
✔ शेतीसाठी त्वरित भांडवलाची सोय
✔ कमी दस्तऐवज, सोपी प्रक्रिया
✔ अनुदान आणि विमा योजनांचा लाभ

शेतकऱ्यांसाठी किसान क्रेडिट कार्ड ही अत्यंत फायदेशीर योजना आहे. शेतीसाठी आर्थिक गरज भासल्यास ही योजना नक्कीच उपयुक्त ठरू शकते. सरकारच्या नवीन निर्णयामुळे अधिकाधिक शेतकरी कमी व्याजदराने कर्ज घेऊ शकतील आणि शेतीतून आर्थिक प्रगती साधतील.